Afarvänner i Sverige
|
Afarvänner i Sverige
|
|
|
Baaxoh'saxxaqa SAXXAQ
BAKAR BAKAR LEE MAYAKKAM NAAXIGE NEE MARIN XALAY KUM MAYAKKAM NAAXIGE NEE YOOME NUMIH MAQAANE CADDOT CABAANA KASALTO FALLAKKAK INTE MISSILI YAN YI CAXXA GEE KALAH YOO ARGAQUK MANTO WOO TIYA YOL TAMAATE SIN WAGTA WAQDI ELEELO SINNIM WIDIR TANIH WAGITA AXAW AALLE WAA DORAT LEE MATAADIYA BAGI QAKLI SINNI NUM YAB MARAAQISA NEE NI KASAT DUQUURUSAANAM TEMEETE MALA SIITA FAN GACISSAANAM AYSELE AH CUTUKTI MAKO’KALAH MEQEM HINNA MANNA LE CAACAYAAY A SIINIL SILISSEM LOKLOKO MANGO BAAXO FANGEXA BAHTA YOOME YAB BAGUT SUGSA LABHA QIDDA ANKAR INKI MASLEH UMA MALAKIYYA GUNNUSAY ARDI NEK GEXA LOKLOKOOY BAXAABAXSI RAAQAY INXICA SIITA CAASIDAY RASU NEK MARUUBINA
ROOBUT ANUK QABAR LE BAAXO IYYIFAXAAH? NUM CAYIK INTI TABLE MASSAMMAH ORBAA? DUMA NUBLE TAQBI KASSINNAM AYSELE DUMA TATRE WAKTI KASSINNAM AYSELE QAFARAH MEQEM FAXAY SIITA CORMATA UMA YAB FANAT XUKOOKOLTA LABHA TAN LAKQO’MARA’KAL TIMBIDE LABHA HINNA AMAHAM QAFAR MEQEM FAYXI MAKKALA MIGAQ ASSIMAH LACAK GIBDIM AKKALE RABI KAH YANIM GITA’MAY MIGAQ NABA TUXXAGIMIH SINAM SINAAMAK MABAXSAN A BAAXO MAAQO’MARAKSA GICLO MALI TUXXAGIMIKSA GICLO KAK BOOLA BAHTE AGIRWA TEMMEXEH YABTI LABHA RAQTE
MISSILI YOL YAMAATE SIN WAGTA WAQDI INTI MALEELA SIITA DOKKOSSAH’ANNA? INKI BAG’ALLE WAA MARAK WAANE BICTAA? AABUKEE WEE BAXAH MIGAQ SEECO TAKKEE? IGMA MARIH KASAT KAS’AXCUK GEXAANAA? TAAMITE KAL CAYI’MAQAANET TABAANAA? RASUK ABLE CAALATAL BAAHA MISSILA TAAMITE KAL DUB’ARRABAL DUYYE FAXXAN BARTE KALAH YAB AFTANUK REEDA FAXXAN SAQAL ASSAKAXXI KAH RAAQEM AH MACAAY? DABAN AAKERO’DABAN YEKKE UMMATAY
LABHAY ABAAXO MANGO GAMBIK FAXEN TET DUMA GUNNISEENIH IMMAY MA GENNON TURKI FAXEEH ABAAXO FURSI’DDE FAXXEH RUUSIYA FAXXEHIIY FARABSAAWI FAXXEH INGILIIDIIY ABAAXO TILYAN TEMEETE BATRITEN AYRO CADDO TEETIH FAXEENIH WOO MARI TET NIYAATEH IMMAY MAGENNON HAY NI RASIH MAQAANE CAGLAH FAXEEN
FALMA MALIIY ABAAXO BUUKOL TANIYYEN CADDO LINO’YEN BAAXO NOOKOH FAXEN WOO TIYA TINQIBEEH QAFAR XAYLO SOLTEH GIRA DAT GIRAAY RUSAS NAMMAYAK TEN XAYLO MANGO NUM SIDOC ELLE LUK YEN MACAXUUY GILEEY GABAHCAXXA LUK YEN NARDIH BAGUL TAARIK UMAANE MAKKO BARITTO TEETIL MANANNAAY LABHA TENEH WOO TAARIKIL GEXAAY RASUH INGICILLA
DUMA YEN DABAN QAFAR QAADA LUK TENEEH QEEBI LUK NABA KOOSA LUK YENEN MALA SIITAK AAXAGUK SIITA FAYLISAK QIKA LUK YENEN QOKOL LUK YENEENIIH TU KALAK YENEN TUXIQ LUK YENEENIIH BAACITE NUM CATAK YENEN TUMALIIY TULI INKI CADDOT BEYAK YENEN MIGAQ EDDE FINQITAM DACRISAK YENEN NAQBOYTI KEENIK ADDA GEYAK MANANNA SIITA CAASIDAY DUMI WAKTI KASSITA KASSIS ABA’KALAH LIYOM DOKLA HINNA WOH DUMA TATRE TAARIKIIY KASSIS ABNA
YI RASUL YEMEETE QIBNAYTI YOO XAGE INTI MAL’EDDE BEEN GITAK TEN YOK IYYE QAKLI MALIH YECEEN KASAK TEN YOK IYYE AYTI MALIT ABEN CAMIK TEN YOK IYYE RABTE LAFAL HEEN SAROK TEN YOK IYYE MARIN IXXIGAK YI KAS YAYSEM EEXEGEH
ILLA CABOL AMANNI SIINIT MAYAMQA NEH MEQEH AXCUK ADDA SINNIK BARISSAN IYYA WAGINNOOH MIYYA SIINIK KATAYNO SAQAL KEE MAQANXAL SIQBI MABAXSINA YIMMIDEH IKKALAH RAS’ANNAL MAXIINA LABHAY AN’ABLE QELLATAK TIBBI MAXCA BAAXO XIINE KALTA SIDIICA NUM TAN AN’AXCE RAAREM LIYO’MAY YAB CABU WAA MALAKIYYA GUNNUSAY ARDI NEK MARUUBINA LOKLOKOOY BAXAABAXSI RAAQAY INXICA SIITA CAASIDAY RASU NEK MARUUBINA
AXAW AALLE WAA DORAT LEE MATAADIYA BAGI QAKLI SINNI NUM YAB MARAAQISA DIINI CAMAD CAMAD RASU’LLE RUUBENNA WARSEK CAMAD CASSAN GULEED NABBA DUUDAH IYYE NABA LAKQO KAAH YECEEN SIQBI YAABISSEEN QAFAR SIDIICA BARTIH KURAA KUREENIIH AH MAMEQE’NTE LABHA CASBIT QANEN MEQE LABHA KAK KALEN QIISA REEDISEN SIITA MAWANNAAY REEDA NARDIH BAGUL GEEH QAFAR TECEE FOXOK QIISI BAAXO BEETEH MIIDIT ASAK YENEENIMIK BANK’ISIH LON AYROL ASAK YENEENIMIK FOOKWA GEEN ISI RASUL QAFAR MARIN SEEWA CELTA LAAGATAL QAFAR SIQBI XIN MAYAAMINA WOO CAMAD QIISI KEETALAK LAAGINIH YAN WONNI NET AKKELEM XAY’AYROORAH ADDA AMAH YIBUUTIH YECEEN SAROOY TABELE SIITA GEE MARI BAAXO GEEM MATABLAANA? SIITA WEE MARI BAAXO WAAM MATABLAANA? KEN KINNI YOOH QAFAR TIYA YOO BIYAKTAH WOO TIYAH DAWA CAAKIMIL GEYAH MAANA WOO TIYAH DAYIMIH MALAB XAGAH MANA WOO TIYAH BARADA BAKAR CABAH MAANA XEERUK XAYIH YI YAABAL ADUURE LON SARRAH AMAH DATAAMINA INTE AXCELON
BAKAR BAKAR LEE MAYAKAM NAAXIGE NEE MARIN XALAY KUM MAYAKKAM NAAXIGE NEE MARIN MIGAQ NEH MAYAKKAM NAAXIGE NEE NADAAMA TAKKEM WADIR TANIH WAGITA MIGAQ DAGOM YUFTUCEH WAY KOL MAGACA RABE NUM MADAARA LEE WOO GIDE’KKAL MEQEM NEH ACSABUK CUGGI NEH MAXIINA SINAM NEH MEQEM MAFAXXA CISSABISA NE’LLE KURAABIYAN CISAABAT YANIINIIH NI RASIH MAQAANE SINNIH FAXAANAAH NI RASUL MEQEM FAXAN REEDA NEL FAXAN QAFAR WOH AAXAGIH SIITA CAASIDAANA
TEMEETE LEE CAXXA BAHTA BALAALE ROB QAANE RUUBA FINQITTU WAYTEK KARMA QUBUL TAMAGGEE A WAKRI-WAKRI SIINIT MATAMQA SARRAK ELLE CABOL TA TAAMA BAATIT BUXUX LE ABBIINU GUNNUSAY RASUH INGICILLA REEBIS NAM AKKALIH MALA FAYYA NEK TA KACNOYTI MANGAL YAB FIXA KOK YAMAGGE TAH MEQEM AKKALIH UMAANET BUXUXLE
A saxxaq ginteem gannatti num tet abay Gaddi sayyoh mirrac Dat’Aminay Baxcittoh Amnal yaaxigeeni |
Last changed: 15 oktober 2008 |