Afarvänner i Sverige
|
Afarvänner i Sverige
|
|
|
Qafaral Dadalih Gaboynal QCGF Xayyosse WarkataQafar Agittiinoh Rakaakayih Doolatak Qafarafih Cubbusoo kee Gaddaloysiyyi Fanteena a deffeynay, Qafar ummattah dadal wagsiisak tekkel xayyossam faxxam Qafarafih feerah dadal edde yan caddoo kee cuggud hinnay, Qafarafih feerah dadal keeQafar ayyuntih dadal sittak baxsa qalle waamih qaada. Bisoh hayya haynek Qafarak manoo kee aneewayti, Qafarafih feerah dadalat axawah tan innu dudnah.
Qafarafih Cubbusoo kee Gaddaloysiyyi Fanteenah biiro soltem kee takke abte taamoomih gabbaaqu Ityoppiyah liggidih loowok amok nek tatre 1996 sanatih ellecabol xayyosseh ten.
A daffeynay Qafar ummattah dadal wagsiisak tekkeh iyyal, away woo gabbaaqih gabbaaqut amo ninnik managillay, Qafar ummattah dadal kee tet feerah dadal elle tangale rakiiboh tan esseroora ugusenno. Tohuuy, Qafar ummattah dadal kee bisō-maxco niyannam meqeeh; fannam meqehik, iyya akkuk dadalnaah yaanamih esseri.
Qafaray kinninoh iyya akkuk dadalnaa? Wonna hinnay kaadu cuggaaneenah afat yaabak geeri ummattooti akkuk dadalnaah?
Magaaloolul ninni afat yaabaanam qakuh nubleeh; cuggaaneenah afat yaabaanam kulsah nublek, ninni kinnaane elle dacrisnam anninnak tanih taniih?
Magaaloolul qusubuk catinnaanih hora edde tanbem cuggaaneenah af tekkeeh, urri edde bartaah, kasle nek edde taamittam ken afitte tekkek, ni Qafaraf nellih ma gide waaru – waah yaniih?
Elle aninnaan rasul cuggaaneeno yakkeenimih gexso catnu dudnaamak tanih matanak, kuraanibā missilah yakkoonu – waan baaxo yakkeenihih cate waynam, catnam ceele waynay maay innaah?
Maleey cuggaaneenah addat amuxxuqekal, Yalli nee kah gine Qafarah anuk dadalnu dudnah, inne nee tekkek (tambulle walfii kee weeloola who ma tascassahak Qafariyyok kore – kal elle dadalnu xiqnam anninnaay?
Inkih kah naaxige inna Qafar ummatta Afrikah gaysal geytimta doolatwak sidoc addal, kaxxam maqar – le affara agatak/ agattinat maroh tan. Toh: 1. tigreey 2. Amcaraay 3. Oroomooy 4. Soomaali
Aydaadul qimbo kak amixxige wayti waktiiy takke, Afrikah gaysal Qafar ummatta isi caydu luk fanal kak alooluk sugtem tama kaxxa affara agata-agattina.
Duma warraytem irok teetil akkuk sugte cayla – le gutqooqah bayteh ma suginnā may, awayi wakto addak abteh tan qakuk gexxaamah, le guubul elle anuk, isi kinnaane bayissaah, cuggaaneh lih aninnaanih marat baytaamih bolol tet yibbixeh yan.
Toysa, a bolol anninnal kataah Qafar ummattayYalli nee hkah ginek kore-kalah, dadal kee bisō-maxco elle geynu dudnam anni gitaay, inta essero, a daffeyna dibuk hinnay, Qafar ummattah akkinnaanih daffeynal agaaradak calli kah geynam faxximta essero.
Assalaamu qaleykum Waracmatū laahi wa barakaatihi
Jamaal Qabdulkadir Reedo
Aysaqiita, December 24th, 2004
|
Last changed: 04 juli 2011 |